هييه هييه

تبقى يابانى
واللا يونانى
صانع بانى
برضة حمار
و انت و ابوك حتخشو النار
تبقى هولندى
واللا بولندى
سيان عندى
برضة حمار
و انت و ابوك حتخشو النار
تبنى مصانع
تجنى مزارع
و تأكلنى
و تشربنى
و اما اتمارض
حتطيبنى
بس حمار
و انت و ابوك حتخشو النار
أشحت منك
و العن جدك
و أدرس عندك
لسة حمار
و أنت و أبوك حتخشو النار
و اجى أخلف
واد متخلف
طالع لامة
داهية تغمة
أجرى لعندك
يلعن ستك
أطلب فيزا
لجل حياتنا
ما تبقى لذيذة
و يبقى لابنى
باسبور بنى
زى مارى و خريستو و ينى
و يعيش عندك
يعشق بنتك
و أمك و اختك
يلعن خالتك
ياد يا حمار
أنت و أبوك حتخشو النار
أما سعادتى
و عمى و خالتى
فالى الجنة
علشان يا أهبل
يا أبن الاهبل
عم مهلل
يوم الجمعة
هرش العمة
و دعا للامة
و لعن أمك
قبر يلمك
ياد يا حمار
أنت و ابوك حتخشو النار