قصيدة من ديوان نسوان الصبح بدري للشاعر عبده المصري
كل سنة وأيدك بترسم
بحر عرقان في الشجن
حلم ضايع من عنيك
ومش فالت من زحام البترينات
الشوارع ذكريات
والقهاوي مرسم الروح
اللي ضلت سكة الدهشة
ومات فيها السكات
غابة الألوان شحيحة
روح تدور عن حقيقة
والحقيقة بتختفي
من كراسي القهوة والطاولة
وتستخبي في نهد هربان من البلوزة
وفخد ميت من التعب
كل سنة وايك بتعزف علي القماش
لحم بت بتعشق الليل لمسافر
ف المسافة بين بياض اللوحة
واللون العنيد
راكب أتوبيس الهرم
ومعلقة الايد في الحديد
كل شيء ازرق
علي قماش من تعب
