المشهد الأول
ابتدا كل واحد يقفل شنطته
بعد ما ودع صحابه
وابتدا يركب مع عشقه الكبير
عشمان باللقا .. فات الكتير
إنما فاضل علىاكتمال تعاشيق الحنان
ساعات ..
المشهد الثاني
وبعد الإجراءات
وقاعدة جوه بوفيه صالة المغادرة
في انتظار آخر ندا
دوامات في الراس بتوجع
والوطن شكله اترسم جوه البدن
يا هلترى
لساه بيضحك زي آخر مرة
شوفته فيها ؟
لسه البيوت بتعاني من كتر السفر ؟
لسه الهرم
واقف ورا أبو الهول
مستني برضو رجعتي ..؟
المشهد الثالث
الوقت بيمر بكسل
الرحلة دي مالها كده ..؟
……………………………
وأخيراً
ميكروفون الاستعلامات ذاع الخبر
آن الأوان نبدأ بقى
كلنا حاسين بشئ غريب
إنما ..
حاولنا ننكر شعورنا بالخطر
وابتدا كل واحد يقرا ف دعاه
أو ترانيم السفر ..
والهدوء ساد المكان
لما استقرينا بسلام وسط السحاب ..
المشهد الرابع
السكة بدأت من هنا
وبدأنا حل الأحزمة
فاتت دقايق ــ لأ ثواني
إيه حصل ..؟ !
التكبيرات
هزت سكون سطح المحيط
أشهد أنـــ
المشهد الخامس
الوطن في توبه الأسود
ساند الراس بالكفوف
والكفوف عماله تضرب بعضها
دا مش جنون
إنما
كان الوطن بيبكي عمره اللي اتخطف
على الملأ ..
المشهد الأخير
ساعة الغروب
كل واحد جواه أمل
يرجع بعمره اللي اتخطف
جوه الكفن
كان وهم حلو استبدلوه
بزهور وحبة ترنيمات
خدها المحيط
ورجعنا تاني يا وطن
شايلين فلوس وشكوك بتغلب ظننا
بس الولاد رافضه تصدق إن دا
كان القدر ..
السقوط لقاع المحيط كلاكيت آخر مرَّة
فعاليات
مناقشة رواية قلب ظلمات لجوزيف كونراد
إبريل 27, 2024
تمت مناقشة قلب ظلمات لجوزيف كونراد يوم السبت 27 إب...
الأديب: رؤية ومسيرة ... حوار مع فرانسيس بويل عبر تطبيق زووم
فبراير 24, 2024
تمت هذه الحلقة في 24 فبراير 2024 وتستطيع مشاهدة حو...
مناقشة رواية مصرية للدكتورة فوزية أسعد
نوفمبر 25, 2023
احتفاء بفوزية اسعد الروائية المصرية وأستاذة الفلسف...
عرض ومناقشة رواية أكثر العيون زرقة لتوني موريسون
أكتوبر 28, 2023
عرض ومناقشة رواية أكثر العيون زرقة لتوني موريسون ع...