الورد كان بيعرف يسرق حنية إيدك
هده انتظارك وأنت قلبك زي الحجر مش عايز يلين
بينام وجرحه لسه مدبلش
علي الرصيف خد له ساتر
بينام والقلق شَرك بتنصب له كل لحظه
وعيون البنات البكاري كرابيج
كل يوم علي الريق بيفتش عليك
وبيسأل الندي اللي ابتدي هو كمان يبخل
ويقلل زيارته..
الورد الدبلان لسه معرفشي قصدك
حتي انكساره علي غير العادة.
كان فوجائي لباقي الزهور
كل الميادين والشوارع بتعرفه بخجله المميز
اللي ما فيهوش تكلف
وصهد الصيف علي الرصيف حاسس بذنب كبير تجاهه
والصهد اللي كان بيطلع من وشك
ساعة ما كنت تلمس نداه كان برضه مميز
قلبه لسه بيرفرف عليك
وأنت بتعاند شفايفك تلمس نداه
أو تبوح له بانشغالك من غير ما تقصد تجرحه
روحه ابتدت ترفرف عليك
موت الورد مش هيه الوسيلة للعقاب
موت الورد يعني دنيا صامتة
روحه ابتدت ترفرف عليك
فعاليات
مناقشة رواية قلب ظلمات لجوزيف كونراد
إبريل 27, 2024
تمت مناقشة قلب ظلمات لجوزيف كونراد يوم السبت 27 إب...
الأديب: رؤية ومسيرة ... حوار مع فرانسيس بويل عبر تطبيق زووم
فبراير 24, 2024
تمت هذه الحلقة في 24 فبراير 2024 وتستطيع مشاهدة حو...
مناقشة رواية مصرية للدكتورة فوزية أسعد
نوفمبر 25, 2023
احتفاء بفوزية اسعد الروائية المصرية وأستاذة الفلسف...
عرض ومناقشة رواية أكثر العيون زرقة لتوني موريسون
أكتوبر 28, 2023
عرض ومناقشة رواية أكثر العيون زرقة لتوني موريسون ع...