حواديت فرعونية

شوفو يا جماعة انا من باب اني اكتشف تاريخنا الفرعوني الرائع درست علم مصريات اونلاين خمس سنين في جامعة مانشستر... ودي من اهم الجامعات البريطانية في مجال المصريات وحصلت سنة 2021 على ماجستير في علم المصريات. وبحث الماجستير بتاعي منشور على امازون في كتاب بعنوان

The Mother Goddess and the King: The origins of the Symbols for the Divine Feminine and the Powerful Male, and Rulership Ideology in Ancient Egypt

المعبودة الام والملك: أصول رموز الانثى المقدسة والذكر القوي وايديولوجيا الحكم في مصر القديمة

ولأني حبيت علم المصريات واستمتعت جدا باكتشاف تاريخ مصر العظيم جتلي فكرة اني اشارككم في بعض اللي اتعلمته واكتب الحواديت الفرعونية دي علشان تستمتعوا معايا بتاريخنا وتراثنا الفرعوني الجميل.

القراء الأعزاء خلي بالكم ده مش كتاب تاريخ...ده تجميع لحكايات وقصص. اساس الحواديت كلها سليم وبيرجع فعلا لوقائع تاريخية واساطير وقصص من التراث الفرعوني...لكن طبعا انا ككاتب اضفت وعدلت شوية تفاصيل علشان الحواديت تمشي...يعنى استخدمت رخصة الابداع اللي متاحة لكل كاتب ...اللي بيقولو عليها بالانجليزي poetic licence

مثلا انا زودت شوية حاجات على حكاية الملك الشقي وحكاية امبو وباتا وحكايات تانية..الحوار مثلا  بيكون من عندي....لكن الحكايات بشكل عام هي الاصلية زي ما وردت في البرديات او على جدران المعابد والمقابر....

خالد الشلقاني